ऊ (हाइकु )
भगवती पौडेल/टेक्सस
गौथली चरा
आकाशमा उडेका
हेरीरहेको !
त्यो शरीर छ
आत्मा बोकेको घर
आशा मानेर !
गौथली आए
ऑगनको डिलमा
गाए र नाचे !
घर बनाए
बडो मेहेनतमा
खुशी मनाए !
दैव लागेको
चालै पाएनन् फेरी
भत्कियो घर !
मुटु जलेर
आगो बलेको थियो
ऑशु बगाए !
भने संहालौं
दोष नदिउँ चरा
फेरी बनाउँ !
बनाए घर
रमाए एकआपस
कोरले बच्चा !
पालो बॉधेर
चारो बटुले खाए
उडाए बच्चा !
ऑधी आयो नि
छानो उडेको घर
उडायो गुँड !
शुन्य ऑगन
आशा मरेको मन
शरीरसँग !
उ एक्लै बस्छ
गौथलीहरु उडे
खै कहॉ गए ?
अस्थाई घर
घुमिरहने चक्र
मायाजालको !
(पौडेल ड्यालसमा क्रियाशिल कवयित्री हुन)
© कपीराईट–युएसनेपाल पोष्टमा प्रकाशित समाचार या लेख सर्वाधिकार सुरक्षीत छ । यहाँ प्रकाशित समाचार हुबहु साभार नगर्न आव्हान गरिन्छ । कसैले जानकारी विना साभार गरेको पाइएमा कानुनी कार्वाही गर्न बाध्य हुनेछौ ।
सम्बन्धित खवर
-
अमेरिका–संसारकै शक्तिशाली अनि ...
-
देशमा आम–निर्वाचन सकियो । ...
