US Nepal Post

अमेरिका– युरोप पछि अमेरिकामा पनि कोरोनाभाइरस तिब्र रुपमा फैलिएको छ । कोरोनाभाइरसकै कारण जनजीवन अस्तव्यस्त भएको छ । हरेक क्षेत्र डामाडोल भएको छ । महामारीबाट बच्न धेरै पहलकदमीहरु यहा“ भइरहेको छ ।
बासिङटन, न्युयोर्क पछि अति प्रभावित क्यालिफोर्निया हो । पछिल्लो तथ्याङक अनुसार क्यालिफोर्नियामा १९ जनाको ज्यान गएको छ भने एक हजार भन्दा बढी संक्रमित भएका छन् । बढ्दो संकटलाई ध्यानमा राखेर अमेरिकाको क्यालिफोर्निया त लक डाउन गरिएको छ ।
क्यालिफोर्नियाका गर्भनर गेभिनले राज्यका सबैलाई घर भित्र बस्न आदेश दिइसकेका छन् । कसैलाई पनि बाहिर निस्कन दिइएको छैन । कोरोनाभाइरसको संक्रमणबाट सबै भन्दा बढी न्युयोर्क प्रभावित भएको छ । यहा“ अहिले सम्म ३८ जनाको ज्यान गएको छ । संक्रमीत सख्या ५ हजार ७ सय भन्दा बढी पुगेको छ ।
बढ्दो खतरालाई ध्यानमा राखेर न्युयोर्कमा सेना परिचालनको माग गरिएको छ । न्युयोर्कका मेयर बिल डि ब्लाासिओ ले सेना परिचालनको माग गरेका हुन ।